Marka pertsonal bat sortzen hastea ideia ona dirudi… harik eta benetan egiten hasten zaren arte.
Bigarren astean nago edukiak sortzen eta dagoeneko hainbat akats identifikatu ditut (eta nahiko ohikoak direla iruditzen zait):
1. Argitalpen bakoitza gehiegi pentsatzea Dena perfektua izatea nahi nuen argitaratu aurretik. Titulua, testua, egitura… dena. Emaitza? Ez nuen ezer argitaratzen. “Analisi paralisi” klasikoa: zenbat eta gehiago pentsatu, gutxiago ekin.
2. Urteak daramatzaten pertsonekin konparatzea Hau da agian arriskutsuena. Profil oso finkatuak ikusten dituzu, jarraitzaile askorekin eta eduki oso finduekin, eta ahaztu egiten duzu zuk hasiera-hasieran zaudela. Konparazio horrek motibatu beharrean, askotan blokeatu egiten zaitu.
3. Prozesua ez baloratzea Hasieran emaitza azkarrak lortu nahi nituen: ikusgarritasuna, jarraitzaileak, interakzioa… dena berehala. Baina konturatu naiz benetako lana ez dela egun batetik bestera ikusten dena, baizik eta egunero egiten duzun hobekuntza txikia.
Orain egiten ari naizena:
Asterako edukia aurrez planifikatzea, presiorik gabe sortzeko
Argitaratzea “perfektua” ez badago ere, bestela ez dut inoiz bukatzen
Prozesuan zentratzea: egunero pixka bat hobetzea, ez dena batera lortzea
Ez naiz aditua honetan, egia esan oraindik hastapenetan nago.
Baina uste dut hau partekatzea interesgarria izan daitekeela, zeren eta marka pertsonal bat eraikitzen ari bazara, ziurrenik antzeko gauzak bizitzen ariko zara.
Eta ez bada… lasai, noizbait iritsiko zaizu